मार्क्सवादी ज्ञान केन्द्र

काठमाडौँ। पठन संस्कृति, अध्ययन तथा अनुसन्धानको क्षेत्रमा कार्यरत सामाजिक संस्था मार्क्सवादी ज्ञान केन्द्रले प्रधानमन्त्री दैवी प्रकोप राहत कोषमा एक लाख ११ हजार एक सय ११ रुपैयाँ आर्थिक सहयोग प्रदान गरेको छ। देशमा आइपरेको प्राकृतिक विपत्ति र संकटको घडीमा थोरै भए पनि राहत पुगोस् भन्ने उद्देश्यका साथ संस्थाले सोमबार सो रकम राहत कोषको राष्ट्रिय बैंक खातामा जम्मा गराएको हो। उक्त राहत रकम संस्थाका ३९ जना सक्रिय सदस्यहरूबाट स्वेच्छिक रूपमा संकलन गरिएको ७२ हजार ७ सय २१ रुपैयाँमा केन्द्रको तर्फबाट थप ३८ हजार ३ सय ९० रुपैयाँ मिसाएर तयार पारिएको थियो। सहयोगबारे जानकारी दिँदै केन्द्रका अध्यक्ष मनहरि तिमिल्सिनाले संकटको यो समयमा नागरिक स्तरबाट पनि हातेमालो गर्नु कर्तव्य भएको बताए। “देशमा आइपरेको महाविपत्तिमा सरकार र पीडित जनतालाई सानो भए पनि मद्दत पुगोस् भनेर यो सहयोग गरेका हौँ,” अध्यक्ष तिमिल्सिनाले भने, “भविष्यमा पनि राहत, पुनर्निर्माण तथा प्रभावितहरूलाई मनोसामाजिक परामर्श दिने जस्ता कार्यमा संस्थाले प्रत्यक्ष रूपमा सघाउनेछ।” संस्थाका महासचिव दुष्यन्त भट्टराईले संकटको समयमा समाजप्रतिको उत्तरदायित्...